Amurrio zein Laudioko Udal Gobernu Taldeetako kideekin batera egin zuen ASASAM elkarteak egoitza berriaren inaugurazioa ostiralean. Lucas Rey kalean dagoen lokalak 160 metro karratu ditu eta buru osasunaren esparruan laguntza behar duten herritarrentzako eremua da.
Jarduerak antolatzeko espazio irekia dauka eta banakako arreta eskaintzeko gelak, baita komun egokituak eta irisgarriak eta sukaldea ere. Aintzat hartu beharra dago Laudioko egoitzan 35 metro karratu baino ez dituztela erabiltzaileen beharrei erantzuteko.
Zentro psikosozial gisa baliatuko dute egoitza, ekintzak eta tailerrak antolatzeko 40 lagun baino gehiagorentzat.
Maria Angeles Arbaizagoitia elkarteko presidenteak salatu du buru osasunean ez dela nahikoa inbertitzen eta borrokan jarraituko dutela beharrezko bitartekoak lortu arte, baina eskerrak eman dizkie Amurrioko Udalari eta Vital Fundazioari, egindako ekarpenagatik.
Argazkiak: ASASAM
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide