6.075 euro eman dizkiote Euskal Herriko Down Sindromea Fundazioari, Babio Non-Stop ekimenari esker

Txabi Alvarado Bañares 2024ko urtarrilaren 5a

Ehunka lagun batu zituen ekimenak, urtero bezala. / Aiaraldea.eus

Ehunka bizilagun eta merkatarik eginiko ekarpen ekonomikoei esker lortu zuten diru hori biltzea.

Arrakastatsua izan zen Amurrio Trail Taldeak iragan abenduaren 22tik 23ra bitartean antolatutako Babio Non-Stop ekimena. Urteroko dinamikari jarraiki, ehunka bizilagun animatu ziren Amurrioko mendi ospetsura igotzera, larunbateko arratsaldeko seietatik igandeko goizeko hamarretara bitartean.

Orain, ekimen solidario horrekin lortutako diruaren berri eman dute antolatzaileek. 6.075 euro bildu zituzten guztira, parte hartzaileek zein herriko merkatariek eginiko dohaintzen bidez; eta, bere unean jakinarazi zuten bezala, Euskal Herriko Down Sindromea Fundazioari eman diote diru guztia. "Milesker modu batean edo bestean ekimen solidario honetan parte hartu duzuen guztiei. Guztion eskuzabaltasunarekin diru kopuru polita eskuratzea lortu dugu", adierazi dute antolatzaileek sare sozialetan.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide