Espainiako Ziklo-kros Txapelketaren egoitza izango da Amurrio asteburuan

Erredakzioa 2024ko urt. 10a, 17:08
Deskargatu Info Ahotsak :

Gaur goizean egin dute txapelketaren aurkezpena. / Aiaraldea.eus

Gaur egin dute kirol ekimena aurkezteko ekitaldia Amurrioko Udaletxean. Guztira 800 kirolari baino gehiagok parte hartzea espero dute. 

Espainiako Ziklo-kros Txapelketa lehiatuko da asteburuan Amurrioko El Refor kirol-gunean. Ostiralean hasiko da lasterketa maratoia, 16:00etan, Team Relay lasterketarekin. 

Larunbatean, aldiz, 10:00etatik 16:15etara luzatuko dira probak. “Horien artean nabarmentzen dira gizonezkoen 50 eta 60 master probak, emakumezkoen masterra, gizonezkoen 40 eta 30 masterrak, gizonezkoen eta emakumezkoen kadeteak eta gizonezkoen junior mailako probak”, azaldu du Amurrioko Udalak gaur goizean udaletxean bertan eginiko aurkezpenean.

Igande goizean amaituko da txapelketa. Junior emakumezkoak, 23 urtetik beherako gizonezkoak eta Elite mailakoak arituko dira orduan norgehiagokan, eta horren ostean ebatziko da nork jasoko duen txapeldun titulua.

Kuskumendi Klubeko kideek antolatu dute proba, eta pozik azaldu dira ekimenak orain arte izan duen harrerarekin:

Txerra Molinuevo Laña ere pozik azaldu da ekimenarekin, Amurrion egitea “ohore” bat dela nabarmenduta. “Amurrioarrak animatu nahi ditut Amurrio txirrindularitzaren mapa estatalean jartzen duen ekitaldi zirraragarri honetan sartzera”, adierazi du alkateak. 

Kirola Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide