Bihar 20:00etan Eva Guerreroren Tierra de nadie lana ikusteko aukera egongo da Amurrio Antzokian, 8 euroren truke. Sormen lanak diziplina anitzak nahasten ditu, musika eta dantza garaikidea, kasu; eta "printzipio eta amaierez, distantziez, gorputza osatzen duten gorputzez eta horien arteko harremanez" hausnartzen du.
Guerrerok berak eta Garazi Lopez de Armentiak dantzatuko dute oholtzan eta eurekin Yolanda Bustillok eta Carla Sevillak partekatuko dute espazioa, musika joz eta abestuz.
Pieza azaroaren 23an estreinatu zuten Arriaga Antzokian, koproduktorea baita erakundea. Guerrerok ibilbide luzea du kultura, sorkuntza eta esku-hartzeetan eta bere azken lanak LOF (Ladies of Fight), Gorpuztu eta ESNA izan dira, azken hori Marie de Jonghen haurrentzako antzerki-konpainiarekin lankidetzan. Azken bi piezek biran dihardute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
