Elkarrekin Arabak mozio bat erregistratu du Batzar Nagusietan, Arabako Ganberak Osasun Sailari eska diezaion Amurrion guardiako botika bat irekitzeko lan egin dezala, herri horri eta mugakideei zerbitzua emateko. Adierazi dutenez, "ulertezina" da hirugarren udalerririk populatuenak bere guardiako farmazia propioa ez izatea.
Podemos, Ezker Anitza-IU, Berdeak Equo eta Alianza Verde alderdien arteko koalizioak azaldu duenez, udalerri horrek ez du egunero guardiako farmazia bat. Gauzak hala, herritarrek 21:00etatik aurrera Urduñara edo Artziniegara joan behar dute, Amurriotik 6 kilometrora; edo Laudiora edo Arespalditzara, 15 kilometrora daudenak, larrialdietan botikak erosteko.
"Ulertezina da gure lurralde historikoan biztanle gehien dituen hirugarren herriak etengabe guardiako farmaziarik ez izatea eta hainbeste jende behartzea larrialdien kasuan lekualdatu behar izatera edo, ezin badute, hurrengo egunera arte itxarotera. Batzar Nagusietatik eskatzen diogu Osasun Sailari lan egin dezala Amurrion guardiako farmazia bat martxan jartzeko ", aldarrikatu du Elkarrekin Arabako bozeramaile David Rodríguezek.