Emakume bat hil da gaur 14:45ean Amurrioko geraleku batean, tren batek harrapatu ondoren. Zenbait hedabidek zehaztu dute herritarrak 40 urte zituela.
Renfeko zerbitzua erabat etenda egon da 17:50ak arte, baina bitartean ADIFek autobusak jarri ditu Laudio eta Urduña arteko ibilbidea egiteko.
Ezbeharraren arrazoiak ez dira oraindik argitu, baina Ertzaintza hipotesi guztietan lan egiten ari da. Izan ere, poliziaren prentsa kabineteak honakoa adierazi du: "harrapaketaren tokia ez da egokia trenbidea igarotzeko, ez da geralekuan bertan izan".
Gogoratu beharra dago Aiaraldean azken zortzi urteetan bi herritar zendu direla trenek istripuz harrapatuta eta epaitegian daudela bi kasuak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
