Arabako Gizonezkoen Ohorezko Mailako sailkapen orokorrean berdinduta iritsi ziren iragan ostiralean Amurrio Club eta CD Laudio aurrez aurreko norgehiagokara. Larunbatean zen jokatzekoa derbia, baina Athleticek Sevillan zuen Kopako finalaren ondorioz, partida egun bat aurreratzea erabaki zuten bi klubek.
Eguraldia lagun, eta Basarte futbol zelaia jendez lepo zegoela, giro paregabean jokatu zuten bi taldeek denboraldiko bigarren eskualdeko derbia. Joaneko partidako arantza kentzeko asmotan bertaratu zen CD Laudio Basartera. Izan ere, azaroan jokatutako derbian zuri-gorriek 2-3 galdu zuten Amurrio Cluben aurka.
Apirilaren 5eko partidan oso maila parekatua erakutsi zuten bi taldeek, sailkapenean egoera berdinean daudenaren erakusgarri. CD Laudiok aukera argiak izan zituen, baina Javier Artetak, Amurrio Clubeko atezainak, ondo eutsi zion egoerari. Markagailuan 0-0 bukatu zen norgehiagoka, eta merezitako puntu bana eraman zuten biek etxera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
