Hofe x 4:40-k, TOC-ek eta Jotake erromeriak girotuko dute Amurrioko Gazte Eguna

Txabi Alvarado Bañares 2024ko mai. 18a, 22:40
Deskargatu Info Ahotsak :

Parkean egin dute Gazte Eguneko egitaraua aurkezteko agerraldia. / Aiaraldea.eus

Gaur aurkeztu dute ekainaren 15ean egingo duten ospakizuneko egitarau osoa.

Agerraldia egin dute gaur arratsaldean Amurrioko Gazte Asanbladako kideek, Euskal Jaiko giroa probetuz. 17. Gazte Egunaren egitaraua aurkeztu dute parkearen sarreran. Ekainaren 15ean egingo dute ospakizun hori, egun osoko jarduerekin.

Goizeko hamarretan abiatuko dute jaia, txupinazoarekin. 3x3 futbito txapelketa egingo dute jarraian, parkean. Eguerdian pilota utzi eta aizkorak hartuko dituzte, aizkolari erakusketa mixtoa eskaintzeko. Lucia Orbe eta Jose Angel Zubiaga arituko dira Ainize Perez eta Aritz Irazabalen aurka indarrak neurtzen. 

Elexondo pasealekuan, aldiz, gazte sortzaileen azoka eta haurrentzako jolasak egongo dira goiz osoan zehar. 13:00etan trikipoteoa abiatuko dute, eta parkera itzuliko dira gero, bazkaltzeko. Otordu horretarako tiketak Albizabal, Txokogorri eta Biderdi tabernetan jarriko dituzte salgai. Langileek 12 euro ordaindu beharko dituzte eta 10 euro, aldiz, ikasle eta langabetuek. 

Bingo musikatuarekin luzatuko dute bazkalostea, eta txapela jaurtiketa egingo dute ondoren. 19:00etan Xaukena elektrotxaragak girotuko ditu herriko kaleak eta Juan Urrutia plazan bilduko dira gaueko hamarretan, ekitaldiari eta kontzertuei hasiera emateko.

Hiru talde igoko dira oholtza gainera: Hofe x 4:40, TOC eta Jotake erromeria. Gaua luzatzea, aldiz, DJ Latxirongaken esku egongo da.

Ekainaren 15eko zitara bertaratzeko deia luzatu diete Gazte Asanbladako kideek "eskualdeko eta Euskal Herriko gazte guztiei", eta besarkada handi bat luzatu diote Asanbladako kide ohia den eta uneotan Zaballan preso dagoen Galder Barbadori:

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide