Kultura aniztasunaren jaia ospatuko dute bihar Amurrioko parkean

Aitor Aspuru Saez 2024ko maiatzaren 20a

Bizilagunak ekimeneko parte hartzaileak, artxibo irudi batean. / Aiaraldea.eus

Amurrioko Zurrumurruen Aurkako taldearen eta Zaraobe ikastetxeko talde solidarioan parte hartzen duten gazteen artean antolatu dute ospakizuna.

Bihar 17:30ean Kultura Aniztasunaren Jaia egingo dute Amurrioko parkean. Auzokideen arteko topaketa bultzatu nahian, txoko anitzak egongo dira: henna eta txapa tailerrak, herritarren artean eraikitzeko elkarbizitzaren puzzlea, jantzi anitzen erakusketa, horma irudi interaktiboa eta kultura eta elkarbizitaren inguruan hausnartzeko espazioa.

Azken ikasturtean harreman ona sortu denez Amurrioko Zurrumurruen Aurkako taldearen eta Zaraobe ikastetxeko talde solidarioko gazteen artean, biek elkarlanean erabaki dute ekintza zikloa prestatzea, Kulturaniztasunaren Mundu Eguna dela eta.

Biharko egitasmoarekin batera, beste batzuk prestatzen ari dira. Alde batetik, maiatzaren 30ean Kultura identitateen inguruko tertulia proposatuko dute identitate anizdun gazte hizlariak gonbidatuta. Bestetik, ekainaren 9an aniztasunaren inguruko mural bat margotuko dute Laudion, Aiaraldeko elkarteekin eta Batekin erakundearekin (Arabako partaidetza sozialerako eta boluntarioentzako agentzia) elkarlanean.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide