Go!azen ikuskizunaz gozatzeko aukera egongo da Amurrio Antzokian datorren larunbatean. Bi pase egongo dira, 17:00etan eta 19:00etan, eta Aiaraldea Komunikabideak lau sarrera bikoitz zozkatuko ditu lehen sesiorako, ostiralean. Zabalik dago dagoeneko zozketan parte hartzeko aukera, hemen.
Araba Euskaraz jaiko kideek eman dizkiote sarrerak komunikabideari zozketa egiteko, eurak baitira ikuskizunaren antolatzaileak. Gasteizen egingo dute ospakizun nagusia ekainaren 16an, Olarizuko zelaietan. Ekimen bateratua izango da, Arabako ikastola guztiek parte hartuko baitute antolakuntzan, Laudio eta Aresketa ikastolak barne. Hala ere, ekimena ez da jai egun horretara mugatuko. Beste hainbat jarduera ere egiten ari dira lehenago, eta horietako bat da larunbatean Amurrio Antzokian eskainiko duten emanaldi bikoitza.
Go!azen ikuskizunak 10 urte beteko ditu aurten oholtza gainean, eta telesaila ere 100. atalera iritsi da dagoeneko. Gauzak hala, emanaldi berezia izango da larunbatekoa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
