Aresketa Ikastola pedagogia sistemikoaren filosofia bere gain hartzen hasi zen duela zenbait ikasturte. Horri lotuta, Bergarako Pedagogia taldeko eta CUDEZ erakunde mexikarreko kideen bisita jaso dute Amurrioko hezkuntza zentroan.
Bertan egon dira Angela Malpica Olverari mexikarra (CUDECeko zuzendari orokorra) eta Iñaki Arana (Bergarako Pedagogia taldekidea). CUDEC unibertsitateak 7.000 ikasle inguru ditu eta aintzindaria da pedagogia sistemikoan, Bert Hellinger irakasle alemaniarraren filosofia garatuz.
Iñaki Aranak, bere aldetik, 2013an sortu zuen Bergarako pedagogia sistemikoaren taldea eta eredu horren praktikan sakontzen saiatu da orduz geroztik. Horretarako, Psikologia ikasi zuen eta CUDECen begirada sistemikoan aditua da.
Ikaslearen pertenentzia sentimendua, bere loturak ikasle eta senideekin eta familia bera dira Bert Hellingerrek garatutako pedagogia mota horren oinarriak. Pedagogia sistemikoak hiru aldagai horien artean sortzen diren "leialtasun ikusezinei eta komunitateko kideen arteko harremanei" erreparatzen die, barruan sortzen diren gatazkak konpontzeko "modu sendagarrian". Halaber, irizpide horiek baliatzen dituzte ikasle bakoitza familia baten ordezkari gisa hartzeko, norberaren testuingurua aintzat hartuta eta errespetatuta.
Hemen ikusi daiteke ekimenari eta Aresketan eginiko bisitari buruzko informazio gehiago.