Angel Caminoren ondarea balioan jarri dute Guk eskulturaren XXI. urteurrenean

Txabi Alvarado Bañares 2024ko eka. 1a, 20:09
Deskargatu Info Ahotsak :

Ekitaldi jendetsua egin dute Amurrioko parkearen sarreran dagoen eskulturaren itzalpean. 

21 urte bete ditu Guk eskulturak. Bi hamarkada hauetan zehar, Amurrioko ikur esanguratsuenetako bat bilakatu da herriko parkean dagoen metalezko pieza erraldoia. Horregatik, hainbat jarduera antolatu ditu Udalak sorkuntza lan hori eta bere egilea (Angel Camino) omentzeko. 

2022. urtean hil zen Camino. Gauzak hala, eskultorearen senideak izan dira gaur aitortza jaso dutenak. Aurreskua eskaini diete, eta Udal Musika Eskolako ikasleek jo dute jarraian. Hain zuzen, eskulturaren omenez eginiko izen bereko kanta interpretatu dute, pianoa, txirula eta bibolina baliatuta. Pablo Isasik ere hartu du hitza ekitaldian. Alkate ohiak Caminorekin bizitako pasadizoak izan ditu hizpide. 

Ekitaldia amaitzean, bisita gidatua egin dute eskulturaren inguruan atondutako argazki erakusketan barrena. Mario Paniego artista amurrioarrak ateratako irudiekin osatu dute. Bihar, aldiz, Caminoren omenezko gala egingo dute, 17:00etan Amurrio Antzokian.

Marta C. Dehesa sortzaile amurrioarrak eman ditu ekimenaren gaineko azalpenak:

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide