Dena prest Amurrioko Trial Klasikorako

Txabi Alvarado Bañares 2024ko eka. 28a, 22:45
Deskargatu Info Ahotsak :

Lasterketa horren laugarren edizioa egingo da larunbat eta igandean San Roke auzoko aldapetan barrena. 

Amurrioko Trial Klasikoaren IV. edizioa egingo dute asteburu honetan. Gaur arratsaldean egin dute motorren egiaztatzea Juan Urrutia plazan, eta larunbat eta igandean egingo dituzte lasterketak, San Roke auzoko aldapetan eta inguruko mendietan barrena. 

Bihar 10:00etan abiatuko dira motorzaleak, eta arratsaldeko laurak arte izango dute 12 kilometroko ibilbidea hainbat aldiz osatzeko tartea. Igandean, aldiz, 10 kilometroko bidean barrena arituko dira parte hartzaileak bueltaka, eta 5 ordutan osatu beharko dute proba gehien jota. 

Amurrioko Triala Espainiako Koparen bosgarren eta azkenaurreko proba izango da. Antotzaileek nabarmendu dute ibilbideen zailtasuna ertaina izango dela, eta maila guztietako gidariek egiteko modukoa izango dela.

Motor Club Aialako kideek eman dute asteburuko planaren berri, eurak baitira probaren antolatzaileak:

Argazkiak: Chris Gomez Dominguez eta Txabi Alvarado Bañares

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide