Amurrio Ferrocarrileko enpresa batzordeak oharra plazaratu du jakinarazteko konpainiak 57 urteko langile bat kaleratu duela; hau da, adin zaurgarrian dagoen behargina.
Egoera horren testuingurua azaldu dute sindikatuek: "Enpresan, azken hilabeteotan, langile guztiengan haserrea eta mesfidantza sortzen ari diren hainbat praktika ikusten ari gara. Tramiteak oztopatzetik, AFEko langileek eskuratutako eta onartutako eskubidearekiko izaera atzerakorra duten lege-alderdiak berrinterpretatzeraino. Baita mutualitatetik jasotzen ari diren tratuagatik ere, langileengan nahigabea oso handia delarik".
Hain zuzen, batzordeak adierazi du Amurrio Ferrocarril eta mutua direla kaleratzearen arduradun nagusiak: "Ez dakigu berez edo enpresak eskatuta, baina, kaleratutako langilearekin, historia luzea eta oso desatsegina gertatu izan da enpresaren eta mutualitatearen partetik".
Gauzak horrela, sindikatuek aldarrikatu dute neurri traumatikoetara jo ordez, elkarrizketaren bidea hartu behar dela gertatutakoa konpontzeko: "Langilea berriz onartzeko eskatzen dugu, eta enpresak dinamika murriztaile eta ez oso bideratzaileak bertan behera uztea; dinamika horrek arazoak eta gatazkak besterik ez ditu sortuko, alderdi guztientzat batere onuragarriak izango ez direnak".