Uztailaren 10ean ekingo diete San Kristobalen omenezko jaiei. Horretarako, kanpai-errepika eta txupinazoa egingo dute 11:00etan. Meza, trikitilariekin kalejira eta tarta baten zozketa ere egingo dute egunean zehar.
Ostegunean, hilaren 11n, bola jokoa izango da ekintza nagusia eta opariak ere banatuko dituzte.
Ostirala izango da jaietako egun handiena eta musika eta jai giroa izango dira nagusi. Txosna 22:30ean irekiko dute, eta suziriak ere botako dituzte. Walter Ego taldea, Altxa Porru erromeria eta DJa egongo dira 23:00etatik aurrera.
Larunbatean, Jai Batzordeak antolatutako bazkari herrikoia egongo da, 14:30ean.
Honako hau da egitarau osoa:
Uztailak 10, asteazkena
11:00 // Kanpai-errepika eta txupinazoa.
12:00 // Zaindariaren omenezko meza.
13:00 // Trikitixa plazan Etxebarria Aita eta seme trikitilariekin.
13:30 // Tarta baten zozketa elizpean.
15:30 // Kalejira trikitixarekin herriko etxeetan zehar.
Uztailak 11, osteguna
12:00 // Meza handia eta aperitiboa.
18:00 // Herriko bola-tiroa, opari eta guzti.
Uztailak 12, ostirala
22:30 // Txosna irekitzea frontoian eta suziriak botatzea.
23:00 // Dantzaldia eta parranda: Walter Ego; Altxa Porru Erromeria eta DJ.
Uztailak 13, larunbata
14:30 // Bazkari herrikoia Jai Batzordearen eskutik.