Amukatu elkarteak jakinarazi du ezezagun batek pozoia utzi zuela kudeatzen duten Landako auzoko katuen kolonian. Hain zuzen, animaliak elikatzeko baliatzen duten lekuan agertu zen. Zorionez, Amukatuk uste du ez dela animalarik hil pozoituta.
Elkarteak jakinarazi du lehen aldia dela horrelakorik gertatzen dela kokapen horretan, hortaz, momentuz, ez dutela salaketa tramitatu Ertzaintzan. Dena den, gertakaria errepikatuz gero, poliziarengana joko dute horren egiletza argitzeko.
Halaber, Amukatuk salatu du pozoia utzi duenak ez duela ulertzen zein den elkartearen lana: "Guk ere ez dugu nahi katurik egotea kalean, eta egonez gero, ahalik eta gutxien egotea eta kontrolaturik. Izan ere, jateko toki bat ez badute, udalerritik zabaltzen dira eta katuen kopurua mugatzea askoz zailagoa da horrela".
Izan ere, gogoratu beharra dago Amukaturen jarduera ez dela bakarrik katuak elikatzea. Hain zuzen, harrapatu eta esterilizatzen dituzte, ugalketa ekiditeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
