Leonardo Padura idazle kubatarrak Amurrioko udalerrian bisita egingo du urriaren 7an. Izan ere, bere aitaren erroak Aiaraldeko toki horretan daude eta Vitoria-Negrasteiz jaialdiko gonbidatua izango dela baliatuta, Amurrio ezagutzeko txangoa egingo du.
Padura egile famatua da genero polizialean eta beltzan, Habanan girotutako hainbat eleberri idatzi baititu, zeinetan Mario Conde agentea den protagonista. Horrez gain, El hombre que amaba a los perros liburuak ere ospea eta aitortza zabala ekarri zion.
Izenburu horretan Ramon Mercader -Leon Trostkyren hiltzailea- espioi sobietarraren istorioa kontatu zuen. 2015ean Premio Princesa de Asturias saria jaso zuen bere ibilbideagatik.
Politikoki, Padura kritikoa da Kubako Gobernu komunistarekin, baina La Habanan bizi da.
Jaialdia Amurrion
Berez, jaialdiaren egitarau nagusitik kanpo bada, irailaren 26an izango da egitasmoaren lehen ekintza Amurrion, La Casonan, hain zuzen.
19:00etatik aurrera Vitoria-Negrasteiz aurkeztuko dute eta gero Haizea López, Laura Azcona, Vanesa de la Puente eta Jesús María Sáez idazleek mahai ingurua izango dute. Gero liburuen aleak sinatuko dituzte eta amaitzeko solasaldia eta dastatzearen txanda helduko da.