Alaves eta Osasunaren nesken taldeek jokatuko dute bihar Amurrion, XIV. Euskal Herria Koparen baitan

Oihane Ozaeta Fernandez 2024ko abuztuaren 16a
Deskargatu Info Ahotsak :

Alaves eta osasunaren neska taldeek jokatuko dute bihar Basarten. / Euskal Herria Kirola

Irabazten duen taldea finalerdietara pasatuko da, eta Athleticen kontra jokatuko du. Finala, berriz, irailaren 1ean izango da. 

XIV. Euskal Herria Kopa jokatzen ari da, eta abuztuaren 17an, larunbatean, “A” mailako lehen kanporaketa egingo da Amurrion. Alaves eta Osasunaren neska taldeak arituko dira Basarten 18:00etan.

Hiru mailetan antolatu da aurtengo norgehiagoka, lehiaketa orekatua izan dadin eta ahalik eta talde gehien parte hartu ahal izan dezaten. 

12 klubetako 19 talde arituko dira guztira. Alde batetik, Añorga, Arratia, Bilbao Artizarrak, Oiartzun, Mulier, Oberena eta Berriozar taldeak egongo dira. Bestetik, Athletic, Reala, Eibar, Bizkerre eta Alaves klubetako lehen, bigarren eta hirugarren taldeak ere izango dira ‘A’, ‘B’ zein ‘C’ mailetan.

Abuztuan jokatuko dira sailkapen partida guztiak eta abuztuaren 31n eta irailaren 1ean izango dira 3/4 postuetarako norgehiagokak zein finalak.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide