Dagoeneko irailean sartuta gauden arren, eskualdeko jaiek ez dute etenik. Datorren asteburuan helduko da Baranbiokoen txanda. Ostiralean abiatuko dira, eta txupinazoa 19:00tan jaurtiko badute ere, bazkalordutik aurrera hasiko da egitaraua, jubilatuen bazkariarekin eta ondorengo briska eta mus txapelketekin. Txupinazoaren ostean, berriz, odolosteak egongo dira (euro batean), eta Gauargi erromeriak jarriko du musika.
Larunbatean Garrastatxura mugituko da festa eta egun osoko egitarauarekin ospatuko dute: goizean txirrindularitza lasterketa eta paella txapelketa izango dira nagusi. Arratsaldearekin ondo hasteko, bingo musikatua egingo dute, eta 20:00etan pilota partidak egongo dira. Parrillada egongo da afaltzeko eta Belgorri, Gautegun erromeria eta DJa arduratuko dira gaua ixteaz.
Asteburuari amaiera emateko, meza egongo da igandean Garrastatxun. Ondoren, paella txapelketa egingo da, eta umeentzako jolasak egongo dira arratsaldean.
Asteleheneko atsedenaldia eta gero, asteartean emango diete amaiera jaiei Baranbion, eta meza, pintxopotea eta txistulariak egongo dira eguerdi aldera.
EGITARAU OSOA
Irailak 6, ostirala
14:00 // Erretiratuen bazkaria
17:00 // Briska txapelketa
19:00 // Pregoia, txupinazoa eta kanpai-hotsa
19:30 // Odolki dastatzea (1€)
20:30 // Gauargi erromeria
Irailak 7, larunbata (Garrastatxun)
10:00 // Elite eta Sub23 txirrindularitza lasterketa. Lehendakari torneoa, Arabako txapelketa. Helmuga Garrastatxun
11:30 // Paella txapelketaren izen ematea
12:30 // Trikitixa
13:30 // Txirrindularitza lasterketaren sari banaketa Garrastatxun
14:15 // Paellen aurkezpena
14:45 // Paellen sari banaketa
17:00 // Bingo musikatua
20:00 // Pilota partida. Benjaminen kategoria, Baranbioko frontoian
20:30 // Parrilladarako tiketen salmenta
21:30 // Parrillada Baranbion
21:30 // Belgorri taldearen kontzertua
23:00 // Gautegun erromeria
02:30 // DJa
Irailak 8, igandea (Garrastatxun)
12:00 // Meza
12:30 // Tortilla txapelketan izen ematea
14:00 // Tortillen aurkezpena eta sari banaketa
17:00 // Haurrentzako ekintzak
Irailak 10, asteartea (Garrastatxun)
12:00 // Meza
13:00 // Pintxopotea
13:00 // Txistulariak