Amurrioko Nazioarteko XXX. Judo Txapelketa, azaroaren 9an

Oihane Ozaeta Fernandez 2024ko urriaren 9a
Deskargatu Info Ahotsak :

Amurrioko judo txapelketaren artxiboko irudi bat. / Aiaraldea.eus

Aurten kategoria bakarrera murriztuko dute banakako txapelketa, eta taldekako Tagoya Koparen 3. edizioa ere egingo dute.

Amurrio Hiribilduko XXX. Judo Txapelketa egingo dute azaroaren 9an. Aurten bi zatitan banatuko dute zita: goizean III. Tagoya Kopa lehiatuko da talde mistoetan haur (2010 eta 2011 urteetan jaiotakoak) eta kadete (2007, 2008 eta 2009) mailatan, eta arratsaldean haur mailako torneoa izango da (2011, 2012).

Antolatzaileek ohartarazi dute Tagoya koparako adina aurreko denboraldiari dagokiola, bere garaian ezin izan baitzen jokatu, eta haurren lehiaketarako adina, berriz, denboraldi honetakoari.

Izen-ematea esteka honen bidez egin behar da, baina haurren txapelketarako baino ez. Izan ere, Tagoya Koparako izen ematea Euskadiko Judo Federazioan egin beharra dago. Urriaren 31ra arteko izen-emateetan 10€ ordainduko dira, eta azaroaren 1etik azaroaren 7ra bitartekoetan, berriz, 20€. Data horretatik kanpo ez dute kirolari gehiagorik onartuko.

Kirola Amurrio
Erlazionatuak
GURASOEN BAIMENA - DATUEN BABESA ETA KIROL ASEGURUA

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide