Egurre Jam skate eta BMX jaialdia egingo dute bihar

Aitor Aspuru Saez 2024ko urriaren 25a
Deskargatu Info Ahotsak :

Aurreko jaialdiko argazkia.

Jaialdiaren II. edizioa atzeratu zuten irailean eta eguraldi iragarpena ez denez guztiz txarra, egun osoko jarduera egongo da Amurrioko bowlean, herriko eta kanpoko puntako kirolariekin.

Skate eta BMX zaleek hitzordu berezia izango dute bihar Amurrion, Egurre Jam jaialdiaren bigarren edizioa egingo baitute. Hasierako egitarauari batu zaio 10:00etatik 13:30ak arte antolatu duten roller freestyle proba.

Horrez gain, mantendu dituzte aurreikusita zituzten ekintzak:

  • 15:00 // Paellada herrikoia (6€)
  • 17:00 // Herriko gazteen erakustaldia
  • 17:30 // Jam librea
  • 18:00 // Profesionalen erakustaldia
  • 18:30 // Aereo altuenaren txapelketa
  • 19:25 // Trikimailu onenaren txapelketa
  • 20:20 // Jam librea
  • 21:00 // Kontzertua: Depeta sound eta Sabin
  • 22:00 // Jaia eta iltze jolasa

Azpimarratu beharra dago erakustaldietan parte hartuko duten kirolariak ospe handikoak direla; Sergio Layos, Jabitxu de la Torre eta Ian Ponciano gazte bermeoarra, esaterako.

Andima Errazti antolatzaileek aipatu du eguraldi iragarpena ez dela txarra. Hain zuzen, Euskalmeten ez dute euririk aurreikusten eta euria eginez gero, lehortuko dute pista gero jaialdiarekin jarraitzeko.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide