Aiara eta Frontoi kaleak oinezkoentzako lehentasunezkotzat jo ditu Udalak, eta muga berriak ezarri ditu ibilgailuen zirkulaziorako. Tokiko erakundeak kale horietan "oinezkoen mugikortasuna eta segurtasuna hobetzeko" hartu du neurria.
Aiara kalean, ibilgailuetarako sarbidea debekatuta dago, zamalanetarako gunera sartu behar duten ibilgailuentzat izan ezik, eta lanegunetan eta larunbatetan soilik, 8:00etatik 13:00etara.
Gainera, horretarako baimendutako gehienezko denbora 15 minutukoa da. Aldez aurretik baimendutako ibilgailuek ere bide horretatik zirkulatu ahal izango dute.
Bestalde, Frontoi kalean ere ibilgailuentzako sarbidea mugatuta dago, eta zamalanetarako soilik dago baimenduta lanegunetan, 8:00etatik 20:00etara, eta larunbatetan, 8:00etatik 14:00etara.
Aiara kalean bezala, operazio horiek egiteko gehienezko denbora ordu laurdenekoa da. Era berean, zerbitzu publikoko ibilgailuei, bizikletei eta beharrezko baimena duten beste ibilgailu batzuei ere sartzen utziko diete.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
