"Aiara´s fighters generation" lemapean, kick boxing txapelketa antolatu dute Chock Dee taldeak eta Stop Bullying elkarteak. Abenduaren 21ean izango da, 18:00etan, Amurrioko Bañueta kiroldegian.
Txapelketan Chock Dee taldeko 8 borrokalarik hartuko dute parte: Azkain Menoyo, Anartz Dominguez, Jorge Bengoa, John Garcia, Idoia Arzuaga, Mouad Jalkha, Alain Vicario eta Ibai Ruiz. Eta Gorobel kirol guneko Markel Ulibarri ere bertan egongo da.
Bestalde, 3 borroka profesional ere arituko dira: Anaitz Udaeta vs Ronald Diaz, Aitor Romero vs Alex Arrocha, Ibai Ruiz vs Santiago Villalba eta Omke titulu nazionaleko Aitor Romero vs Alex Arrocha.
Irabazien ehuneko handi bat Stop bullying elkartera joango da, eskoletan jazarpen mota horren kontrako tailerrak emateko, besteak beste. Aurretiazko sarrerak 18 euro balio du, eta 22 euro, berriz, egunean bertan.
Antolakuntza lanetan dabilen Ibai Ruizek Aiaraldea Komunikabideari esan dionez, oso eskertuta daude babesle guztiek eskaini duten laguntzagatik.
Chock Dee taldea
Ibai Ruiz K-1 eta Muay-Thai diziplinetako borrokalari profesionalak 2017an sortu zuen Chock Dee ("zorte on" tailandiarrez) borroka taldea eta izen bera daraman gimnasioa. Ordutik hona hainbat sari irabazi dituzte talde horretako borrokalariek.