Ehunka zale eta txirrindulari batu ditu J.M Basualdo Ziklokros Sari Nagusiak

Erredakzioa 2025ko urt. 5a, 07:00
Deskargatu Info Ahotsak :

Iñaki Carro Meabe bigarren geratu da Master 30 sailkapenean, Hodei Muñoz Gabiña hirugarren 23 urte azpikoen gizonezkoen Elite kategorian eta Mirari Gotxi Olartekoetxea seigarren emakumezkoen Juniorren artean. 

Ehunka lagun bildu zituen atzo J.M Basualdo Sari Nagusiak Amurrioko Refor kirolgunean. Goizetik arratsaldera arte luzatu ziren probak. Master 30, 50 eta 60 kategorietako kideak lehiatu ziren lehenbizi, eta ondoren iritsi zen Master 40, Kadete, Junior eta 23 urte azpiko Elitekoen txanda. 

Eguraldia lagun izan zuten parte hartzaileek, baina lokatzez betetako ibilbide malkartsuari egin behar izan zioten aurre. Zaletuak zelaietan barrena jarri ziren kirolariei animoak ematen, eta Kuskumendiko kideek jarritako txosna baliatu ahal izan zuten indarrak hartzeko. 

Kevin Suarez Fernandez eta Sofia Rodriguez Revert gailendu ziren Elite kategorian, baina eskualdeko zenbait kirolari nabarmendu ziren atzoko probetan. Iñaki Carro Meabek bigarren postua erdietsi zuen Master 30 kategorian, Hodei Muñoz Gabiña hirugarren geratu zen 23 urte azpikoen gizonezkoen Elite kategorian eta Mirari Gotxi Olartekoetxea seigarren emakumezkoen Juniorren artean. 

Hemen ikusi daitezke sailkapen guztiak.

Argazkiak: Chris Gomez Dominguez eta Txabi Alvarado Bañares

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide