Urtarrilaren 19an, igandez, egingo dute aurten San Anton azoka Amurrion. Goizean luzatuko da egitaraua eta, ohi bezala, 12:30ean izango da tokiko produktuen enkantea.
Aurten gainera, Putxera Lehiaketaren lehenengo edizioa egingo dute. 9:00etan hasiko da Kultur Etxearen aurrean eta parte-hartzaileek 13:30etik 14:00ak bitarteko tartean aurkeztu beharko dituzte.
Hiru sari banatuko dituzte putxera onenentzat: lehenengo saria 150€ eta txapela izango dira, bigarrenak 100€ eta tokiko produktuen lote bat eramango du eta hirugarrenarentzat tokiko produktuen lotea egongo da. Txerriaren zozketa eta gero iragarriko dituzte sarituak.
Azoka egunaz gain, Amurrioko San Antonen Lagunen Elkarteak aurreko egunetan ere hainbat jarduera antolatu ditu. Jarraian ikus daiteke egitarau osoa:
Urtarrilak 17, ostirala
12:00 // Meza baselizan
18:00 // Juanjo Hidalgo arkeologoarekin San Anton ermitaren historiari buruzko hitzaldia, baselizan bertan.
Urtarrilak 18, larunbata
19:00 // Meza Asperen abesbatzak kantatuta baselizan.
20:00 // San Anton lehenengo pilota txapelketa udal pilotalekuan, afizionatu mailan.
Urtarrilak 19, igandea
09:00 // Lehiaketaren hasiera Kultur Etxearen aurrean.
10:00 // Merkatuaren irekiera.
12:00 // Otxote Ugarteren emanaldia.
12:30 // Bertako produktuen enkantearen hasiera.
13:30-14:00 // Putxeren aurkezpena.