ADIF enpresa publikoak jakinarazi du 12,7 milioi euroko inbertsioa egingo duela Lezaman. Bilbo eta Miranda de Ebro lotzen duen ibilbidean dago tarte hori. Alde batetik, 625 metroko luzerako trenbidea berrituko dute. Bestetik, apartatzeko bidean ere esku hartuko dute materialak aldatu eta 750 metrora arte luzatzeko.
Unitateek daukaten maniobratzeko gaitasuna handituko du horrek, merkantziak garraiatzen dituztenen artean bereziki. Izan ere, ADIFen eta Bilboko Portuaren artean sinatutako hitzarmenean zegoen aurreikusita inbertsioa.
Lanekin batera, elektrizitate azpiegiturak eta gainerako elementuak ere berrituko dituzte. Trenbide-pasagunean ere egongo dira hobekuntzak. Gaur egun dagoena kenduko dute eta trenbide gainetik joango den bat eraikiko dute. Halaber, ingurumenaren aldetik obrak integratzea aurreikusi dute.
ADIFek aipatu du dirulaguntza europarra jasoko dutela egitasmoa finantzatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
