Amurrioko San Jose auzuneak ekin dio bere jaien berri emateari eta osagai garrantzitsuarekin hasi da: musika. Horrela, ospakizunen antolatzaileek aurreratu dute lau egunetan egongo direla kontzertuak.
Apirilaren 26an eskualdeko Deriba taldeak abiatutako ditu emanaldiak 21:00etan eta Barrena eta Chisorruay bandek hartuko dute lekukoa 22:30ean. Talde kataluniar horiek Barricada eta La Polla Recordsen abestiak joko dituzte. Azkenik, DJ Blessivek itxiko du gaua. 02:00etan hasiko da eta 05:00ak arte luzatuko da oholtzan.
Hurrengo egunean, apirilaren 27an, musika eta dantza eskaintza familia osoarentzat izango da Xaiborren eskutik.
Umorea eta musika
Apirilaren 30ean ere musika eskaintza zabala egongo da, baina umore ikuskizunarekin ekingo diote, lehenik eta behin. Horrela, Boca Beats bikoteak ikuskizuna eskainiko du.
21:00etan Txapela Brava taldeak hartuko du lekukoa. 22:30ean Lowe bandak 1980ko hamarkadako gaztelerazko pop rock taldeen abestiak joko ditu eta, amaitzeko, DJ Varrok musika emanaldia izango du gaueko ordu txikiak arte.
Maiatzaren 1ean 13:30ean Kesonikete-ko kideek flamenko doinuak eramango dituzte auzunera.