Amurrioko Udalak ingurumen-artearen teknikari lotutako obra bat sortzeko deialdia abiarazi du udalerriko kultura-planaren baitan, “proiektu artistiko garaikideen garapena eta Amurrioko ondare ukigarri eta ukiezinaren balorizazioa” sustatzeko.
San Roke eta Elexazarreko aztarnategia lotzen dituen bidean esku-hartze artistiko bat egitea da deialdiaren xedea. Obra garatzeko, Land Art teknika erabiliko da, eta hortaz, landuko diren materialak naturalak izango dira, hala nola egurra, lurra, harriak, harea, haizea, arrokak edo ura.
Apirilaren 1etik 18ra dute artistek hautagaitza aurkezteko epea, Amurrioko Udaleko erregistroan. Administrazio-dokumentazioarekin eta curriculumarekin batera, proiektuaren dosier bat aurkeztu beharko da, honako hauek jasoko dituena:
- Proiektuaren izenburua eta garapena
- Behar teknikoak
- Gauzatzeko gutxi gorabeherako egutegia
- Aurrekontu banakatua, balizko finantzaketa-iturri osagarriak zehaztuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
