Bastidako Araba Euskaraz jaiaren alde, Amurrion ere martxan

Maider Ramirez Martin 2025ko api. 6a, 20:00
Deskargatu Info Ahotsak :

'Arabako Ikastolak etengabe martxan!' ekimena antolatu dute gaur goizean Amurrion, Bastidan eta Argantzunen, eta ibilaldiak egin dituzte hiru herrietan zehar.

Aurten, Bastidako Ikastolari dagokio Araba Euskaraz jaia antolatzea eta ekainaren 15ean izango da, Gasteizko Olarizuko zelaietan. Dagoeneko hainbat ekimen antolatzen ari dira, motorrak berotzeko asmoz, eta gaur izan da horietako bat: 'Arabako Ikastolak etengabe martxan!' lelopean ibilaldiak antolatu dituzte Arabako zortzi ikastolek, Amurrion, Labastidan eta Argantzunen. 

Goizeko hamaikak aldera, hainbat familia batu dira Amurrioko parkean, Guk eskulturaren parean, eta gaurko eguneko ekintza nagusiari hasiera emango zion txupinazoa jaurti baino lehen iragarri dute berria, alegia, datorren urtean Aresketa Ikastolak antolatuko duela Araba Euskaraz jaia, Amurrion. Era berean, Laudio Ikastolako "auzokideei" deia luzatu die Sierrak, hurrengoan haiek har dezaten lekukoa. 

Horren ostean, ibilaldia egin dute familiek herrian zehar, eta ordu batak aldera heldu dira berriro irteera puntura. Bertan, haurrentzako jolasak, kafea eta txokolatea egon dira, musikak girotuta goizari amaiera emateko.

Datorren urtean Amurrion

2026ko Araba Euskaraz jaia Amurrion izango da. Hala jakinarazi du gaur goizean Aresketa Ikastolako ikasketa buru Isabel Sierrak, Amurrioko ekimeneko ekitaldi nagusian. 

Argazkiak: Aiaraldea.eus eta Aresketa Ikastola.

Euskara Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!