Gaur inauguratu dute Urduña eta Delika arteko Nerbioiko Parke Linealaren zatia. 1.800 metroko ibilbidea da eta zubi bat eraiki dute errekaren gainean. Zehazki, Delika zeharkatzen du bideak, Urduñako mugaraino.
Lanek 910.931,60 euroko inbertsioa eragin dute. Eusko Jaurlaritzak 120.929 euroko ekarpena egin du Aiaraldeko Berehalako Jarduera Planaren bitartez, mugikortasun jasangarria sustatzeko.
Gainerako gastua Aldundiak hartu bere gain. Saray Zarate Ekonomia Garapenaren eta Jasangarritasunaren Saileko diputatuak gogoratu du Arabak jadanik ia bukatu duela Nerbioiko Parke Lineala bere lurraldean. 240 metroko tarte bat baino ez zaio falta, Saratxon.
Josu Bilbao Eusko Jaurlaritzako Ingurumen Saileko sailburuak, bere aldetik, aipatu du esku-hartzearen helburua anitza dela: ingurua itxuraberritzea, mugikortasuna eta loturak bultzatzea eta ibilgailurik gabeko mugikortasuna sustatzea.
Aurkezpen ekitaldian tokiko ordezkari politikoak ere egon dira, bai Delikako Administrazio Batzarreko presidentea zein Amurrioko alkatea.