Giroa ezin hobea izan zen, lasterketa zirraragarriak egin baitziren txikienetatik nagusienetara, emozioz, ahaleginez eta kirolarekiko grinaz betetako egun batean.
Aurrejaminek herriko zirkuituari buelta bat emanez ireki zuten jardunaldia, pedalkada bakoitzaz gozatuz. Ondoren, 9 eta 10 urterekin, benjaminek bi itzuli egin zituzten, lehiakortasun handia erakutsiz. Gainerako kategorietan bezala, emozioa azken unera arte mantendu zen, esprint estuekin, Pello Bilbao edo Demi Vollering bezalako eliteko txirrindulariak gogora ekarriz.
Kimuek ibilbide zorrotzagoari egin behar izan zioten aurre, bost bira eman baitzizkioten hankak hausten dituen zirkuituari, eta horrek probatu zuen haien erresistentzia.
Azkenik, haur kategoriakoek 12 itzuliko lasterketa bizia jokatu zuten, oso lehiatua eta parte-hartzaileen artean maila handikoa.
Txikiek eta nagusiek irribarre batekin eta txoripan zein platano batekin amaitu zuten jardunaldia, pozik txirrindularitzako egun handi batez gozatu zutelako.
Aupa zuek!
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
