Zaraobe Saskibaloi Taldeak asteburu bizia izango du eta hitzordua jaia bilakatuko dute. Izan ere, Bañueta Kiroldegia hartu ez ezik, Basarte futbol zelaiko taberna ere irekiko dute. Horrez gain, zozketa ugari egingo dituzte.
Kimuen emakumezko taldeak lehen partida jokatuko du eta Arabako Txapelketa izango dute eskuragarri.
Gero emakumezkoen junior taldeen lauko finalak abiatuko dituzte Sugarrakek eta San Viatorek 11:00etan. Lehen finalerdiaren ostean amurrioarren txanda helduko da 13:00etan, Lakua Basketen aurka.
Euskal Ligara igotzea eskura
Erronka handiena gizonezkoen junior taldeak izango du, Espainiako Estatuko bigarren mailarako igoera lortzeko lehiatuko baita. Horretarako, lehenik eta behin, Isati taldea garaitu beharko du eta hurrengo egunean finalean nagusitu.
Bi lauko finaletako partidak 10:00etan eta 12:00etan izango dira.
Udaletxeko balkoira
Aintzat hartuta Amurrioko saskibaloirako historikoa izango litzatekela bere junior taldea Euskal Ligara igotzea, helburua betez gero, klubeko kideak eta jokalariak udaletxeko balkoira igoko lirateke 14:30ean, ospatzera.
Gogoratu beharra dago igandean Txakolin Eguna ere egingo dutela eta jendetzak hartuko duela udalerria.