Arrakasta borobila izan zuen beste urte batez Amurrioko Skateparkaren urteurrenak. Herriko ABSKE Elkarteak antolatuta, Egurre Jam jaialdiaren edizio berria ospatu zuten atzo. Espainiako Estatutik etorritako dozenaka BMX rider, skater eta roller patinatzaileak egin ziren Amurrioko kaleen jabe.
Aurreko edizioetako filosofiari eutsiz, kirol gutxituei ikusgarritasuna ematea da ekimenaren xedea, eta baita lortu ere. Skateparketik haratago, goizean herriko txoko desberdinetan egon ziren kirolariak trikimailu desberdinak erakusten.
Arratsaldean Amurrioko bowl.ean iltzatuta geratu ziren begirada guztiak. Trikimailu eta akrobazien txapelketa antolatu zuten, eta jendetza bertaratu zen ikuskizunaz gozatzera. Euskal kirolariek izan dute protagonismo handiena (Ian Poncianok, Javitxu de la Torrek..) eta nola ez, Ane Ramos Izaga amurrioarrak, zeinak etengabe erakutsi du txapeldun izatera eraman duen kalitateak.
Antolatzaileak oso pozik azaldu ziren ekimenak urtez urte duen harrerarekin. "Geroz eta marka eta denda gehiago batzen dira, eta gu elkarte txikia izanik, asko errazten du antolakuntza", azaldu dio Andima Erraztik Aiaraldea Komunikabideari. Elkartearen hurrengo helburua Amurrioko Skateparkean obra egitea da, azpiegitura berriak sortu eta jende gehiago kirol urbano hauetara gerturatzeko asmoz:
Argazkiak: Aimar Gutierrez Bidarte eta Aitor Aspuru Saez