Hainbat inbertsio egingo ditu Amurrioko Udalak Mendiko eta Zabaleko eskoletako azpiegiturak hobetzeko. Eusko Jaurlaritzako Hezkuntza Sailarekin koordinatuta garatuko dute egitasmoa, Udaleraiki 2025 lankidetza programaren bidez.
Aldagelena izango da Zabalekon egingo duten lan esanguratsuena. Kirol guneko harmailen azpian atondu nahi dute, eta 306.612,56 euro bideratuko dituzte zeregin horretara.
Horrez gain, beste hainbat lan ere egingo dituzte kirol gunean. 14.093,02 euro bideratuko dituzte jaisteko hodiak, zerriak eta isurkariak jartzeko eta beste 12.866,95 junturak ixteko.
Mendiko Eskolan, aldiz, hiru ekimen egingo dituzte. Alde batetik, Lehen Hezkuntzako eraikinaren estalkiak eraberrituko dituzte, 162.300,13 euro inbertituta 2025 eta 2026 urteen artean. Bestetik, ikastetxeko patioko arkupeen bigarren fasea egingo dute, 145.980,45 euroren truke; eta beste 53.473,15 euro baliatuko dituzte kirol guneko estalkiaren fatxadako leihoak berritzeko.
Udalak nabarmendu duenez, aipatutako obrekin "hobekuntza nabarmena" izango dute aipatutako bi ikastetxeek, "ikasleen behar eta segurtasun baldintza hobeak bermatuz".