Ikus-entzunezkoen huba aurrera doa. Aiaraldeko Larrialdi Planaren barruan aurreikusitako egitasmoak bi kokapen izango ditu Amurrion. Alde batetik, Maskuribai industriagunean 600.000 euroko inbertsioa egin eta pabilioi bat erosi dute.
Espazio hori oraindik egokitu behar dute altuera handiagoa izateko. Izan ere, Arabako Foru Aldundiak alokairuan jarriko du ekoizpenek han grabatu ditzaten barruko eszenak.
Eusko Jaurlaritzak ezarritako zerga politiken ondorioz, film eta telesaio asko ari dira grabatzen EAEn eta Aiaraldean eta azpiegitura honekin toki bat gaitu nahi dute hutsune hori betetzeko.
Trebakuntza eta aurreprodukzioa
Horrez gain, Arabako Foru Aldundiak Refor enpresaldea baliatu nahi du zinema eta ikus-entzunezkoei lotutako trebakuntza emateko. Halaber, aurreprodukzioa ere han egiteko aukera izango dute.
Kudeaketa eredua dantzan
Aiaraldea Komunikabideak tokiak izango duen kudeaketa ereduari buruz galdetu dio Aldundiari, baina oraindik ez dute zehaztu nolakoa izango den.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
