Dantza Lagunak jai kuadrillak 60 urte beteko ditu 2026an eta aspaldi hasi ziren efemeridea ganoraz prestatzen. Iaz aurreratu zuten liburua argitaratuko dutela eta udan lan gehiago egingo dute karnetak eta izerditakoak saltzen.
Karnetak, berez, lau euro balio du eta eginkizun bikoitza betetzeko sortu dute. Alde batetik, kuadrillako kide guztien errolda osatu nahi dute, modu horretan liburuan aipatzeko. Bestetik, antolatuko dituzten bazkarietan zein sortuko duten arropan beherapenak eskuratzea ahalbidetuko du txartelak.
Izerditakoei dagokienez, helduentzat zein umeentzat egongo dira. Lehen kasuan 28 euro balioko dute bazkideentzat eta 30 ez bazkideentzat eta haurrentzat, aldiz, 23 euro bazkideak direnentzat eta 25 euro gainerakoentzat. Uztaileko lehen bi asteetan emango dute probatzeko aukera, karrozak egiten diren aparkalekuan.
Interesdunak 692 562 192 telefonoaren bitartez jar daitezke harremanetan eta eskaria egin uztailaren 14an, beranduenez. Berez, karneten zein izerditakoen ordainketa eta bilketa karrozak sortzen diren eremu berean egingo dituzte.
Abuztuaren 12an egingo duten bazkarian parte hartzeko ere telefono horretara jo daiteke. Urtero bezala, txupinazoan izango da eta 18 euro balioko du bazkideentzat eta 20 euro ez direnentzat.