Abuztuaren 9tik 17ra luzatuko da Amurrioko Jai Herrikoien egitaraua

Txabi Alvarado Bañares 2025eko uztailaren 4a

Akerbeltz erromeria, La Txama edota Ziztada & Rlantz arituko dira txosnaguneko oholtzan, baina egitaraua ez da espazio horretara mugatuko.

Gaur arratsaldean egin dute Amurrioko Jai Herrikoien egitarauaren aurkezpena hainbat eragile eta kuadrilletako ordezkarien artean. Azken urteetan bezala, jaien hasiera ofizialaren aurreko larunbatean egingo dituzte lehen ekintzak, paella txapelketarekin abiatuta. Abuztuaren 12ra arte itxarongo dute gero, eta egun horretan jarriko dira berriz martxan, hilaren 17ra arte.

Musika eskaintza oparoa egongo da txosnagunean. Besteak beste, La Txama, Akerbeltz erromeria eta Ziztada & Rlantz arituko dira parkeko oholtzan, baina egitaraua ez da espazio horretara mugatuko.

Juan Urrutia plazan egingo diren bi kontzertu ere sartu dituzte egitarauan: Tanxugueiras eta Duplarenak, alegia. Izan ere, herri osoan egingo diren jardueretan parte hartzeko deia luzatu dute Jai Batzordeko kideek, eta aurreratu dute kuadrillen arteko ginkana formatuko lehiaketa bat antolatuko dutela hori sustatzeko.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide