Tubos Reunidos enpresa isundu dute greba eskubidea ez errespetatzeagatik

Aitor Aspuru Saez 2025eko uztailaren 7a

TRPT enpresako langileen protesta. / ELA

Gasteizko lan arloko 2. zenbakiko epaitegiak arrazoia eman dio ELA sindikatuari eta Tubos Reunidos enpresak 45.000 euro baino gehiagoko kalte-ordainei egin beharko die aurre.

ELA sindikatuak oharra zabaldu du jakinarazteko Tubos Reunidos enpresa zigortu duela Gasteizko lan arloko 2. zenbakiko epaitegiak. Hori gertatu da Langraitz Okan kokatutako Tubos Reunidos Premium Threads lantegian ezarritako sei hilabeteko Aldi Baterako Lan Espedienteak "greba eta askatasun sindikalerako oinarrizko eskubidearen (...) eta guztira 74
langileren negoziazio kolektiborako eskubidearen urraketa" sortu zuelako.

Hori dela eta, epaileak erabaki du langileek jaso ez dituzten soldatak jaso beharko dituztela. Halaber, ELA sindikatuari ere 45.000 euroko kalte-ordaina eman beharko dio enpresak.

Langile erakundeak berak gogoratu du enpresaren aurkako bigarren epaia dela honakoa. Greba egiten zeuden langileak ordezkatzeagatik zigortu zuten enpresa lehen epaiketan. Halaber, ELA sindikatuari 50.000 euroko kalte-ordaina ematera ere zigortu zuten, oinarrizko eskubidea urratzeagatik.

Berez, TRPT lantegia Langraitzen egon arren, beharginen protestak isla izan zuen Aiaraldean. Iazko abuztuan Amurriora ekarri zuten euren aldarrikapena lan hitzarmen duin baten alde:

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide