Zer sentsazio sorrarazten dizu zure kuadrillaren ordezkaria izateak aurtengo jaietan?
Alaitasuna eta harrotasuna, baina urduri jartzen nau aldi berean. Beraz, batez ere gogoa sentitzen dut, erronka polita dela iruditzen zait. Gainera, nire kuadrillako beste bat ordezkaria izanda ere, asko hobetuko du giroa eta gozatuko dugula argi dago.
Nola bilakatu zinen zure kuadrillaren kide?
Ez nengoen inolako kuadrillaren batean eta benetako jaiak sentitu nahi nituen. El Boliren parte izan nahi genuen lagun batzuk elkartu ginen, kanpotik ikusita El Boli gustukoen genuen kuadrilla zen eta ez ginen okertu.
Zein da aurtengo zuen gurdiaren gaia?
Aurten gaia Mendebalde Urruna izango dela erabaki dugu, zehazki cowboy taberna bat. Gai horrek denek parte hartzeko aukera ematen du, gaia oso anitza da eta aukera asko eskaintzen dituelako.
Zer da Amurrioko jaiak berezi egiten dituen hori?
Uste dut kuadrilla guztiak ados egongo garela, kuadrillak berak direla berezi egiten dituena. Kuadrillek sortzen duten giroa eta festa dira Amurrioko jaiak duten onena. Aurten, gainera, Urrezko Iguarrakoarekin kuadrillen arteko “pikea” areagotuko denez eta joko gehiago egonda, dibertigarriagoa izango da.
Zein ekintzetarako zaude gogotsuen?
Aurten haurrek erabiltzen dituzten moto lasterketa bat egongo da; dibertigarria izango dela dirudi. Baina iaz egindako goitiberak jartzen badituzte botatzeko gogoak ditut ere, aldapa gehiago jartzekotan ere ez nintzateke kexatuko.
Zein da jaietako gau bat bukatzeko modurik onena?
Kuadrilla eta lagunekin espero ez nuen zerbait egiten bukatzea.
Amurrioko jaiak eskualdeko onenak direla argudiatzeko hiru hitz:
Kuadrillak, giroa eta farra.