18:12ean gertatu da ezbeharra. Bi zauritu daude, Trafiko Zuzendaritzak azaldu duenez. Ertzaintza trafikoa bideratzen ari da inguruan.
Auto batek eta kamioi batek elkarren aurka jo dute gaur arratsaldean Amurrio eta Altube lotzen dituen A-624 errepidean, Inoso parean. Bi ibilgailuek 18:12ean izan dute ezbeharra. Autoan zihoazen bi bidaiariak zauritu dira, baina oraingoz ez dituzte ospitalera eraman, Trafiko Zuzendaritzak Aiaraldea Komunikabideari jakinarazi dionez.
Bi ibilgailuak bidea oztopatzen ari dira uneotan, eta Ertzaintza trafikoa desbideratzen ari da inguruan.
Informazioa eguneratzen jarraituko dugu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.