Gaur 18:00etan abiatuko dituzte jaiak Bañueta auzunean eta bi eguneko egitarau bizia prestatu dute. Umeentzako eskaintza bereziki zabala izango da eta, adibidez, jolasekin eta txokolatearekin hasiko da festa.
20:00etan izango da txupinazoaren unea eta ordu erdi beranduago, aldiz, karaokea. Ogitartekoak jango dituzte jarraian eta 22:00etan kontzertua hasiko da. Joko duen taldea Versen izango da. Urduñakoak metal generoko abesti ezagunak taularatuko dituzte, aspaldi zuzenekoak eskaini gabe egon eta gero. Gaurko eguna ixteko, auzoko musika egongo da.
Bihar egun osoa
Biharko egunak ekintza menu anitzagoa eta zabalagoa eramango du Bañuetara, kirola, natura, gastronomia eta musika uztartuta:
09:30 // Mendi irteera
10:00 // Xakea
11:00 // Motor klasikoen irteera eta erakusketa
11:00 // Mendi bizikleta lasterketa
13:00 // Sari banaketa
14:30 // Herri bazkaria eta bingoa
17:00 // Haurrentzako xakea
17:00 // Puzgarriak
19:00 // Umeentzako musika Irrikazurekin
21:00 // Herri afaria
21:00 // Iraultza erromeria
00:30 // DJ Varro