Biologia zein historia jorratuko dituzte Aztarna elkartearen jardunaldietan, gaurtik ostegunera

Aitor Aspuru Saez 2025eko urriaren 7a

Maider Iglesias sugeen inguruan mintzatuko da. / Naturayala

Maider Iglesiasek, Jose Ramon Diaz de Duranak eta Jose Mari Gutierrezek hitzaldiak eskainiko dituzte Katekesi aretoan.

Aztarna elkarteak laugarren aldiz antolatu ditu etnografia jardunaldiak eta gaur bertan hasiko dira. Jarduera guztiak doakoak dira.

Hitzorduak gaur, bihar eta etzi izango dira Katekesi aretoan 19:00etan eta lehenengo hitzaldia Maider Iglesiasena izango da. Herriko herpetologoak Sugeak lagun! solasaldia egingo du. Adituak desmuntatuko ditu narrasti horien inguruko hainbat aurreiritzi, jendeak eurak hiltzea eragiten dutenak. Iglesiasek azalduko du animali horien garrantzia ekosisteman eta zaintzeko beharra azpimarratuko du.

Jose Ramon Diaz de Duranak, bere aldetik, Aiarako Forua izango du hizpide Erdi Aroaren amaieran eta interesdunek garai horretako testuinguru sozial, politiko eta historikoan sakontzeko parada izango dute.

Azkenik, Jose Mari Gutierrez aiaraldearra otsoak ehizatzeko erabilitako eraikuntzen inguruan arituko da eta argituko du bere balio etnografikoa antzinako bizimodua ulertzeko eskualdean bertan.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide