Estatu Batuetan ekoizteari utzi dio Tubos Reunidosek behin behinean, Donald Trumpek ezarritako muga-zergengatik

Txabi Alvarado Bañares 2025eko urriaren 9a
Deskargatu Info Ahotsak :

Tubos Reunidosen Amurrioko lantegia, artxibo irudi batean. / Aiaraldea.eus

Multinazional aiaraldearrak argudiatu du neurri hau "zaila" izan dela, baina negozioaren bideragarritasuna bermatzeko hartu behar izan duela. 

Estatu Batuetako ekoizpena aldi baterako eten du Tubos Reunidosek, Donald Trump presidenteak ezarritako muga zergen ondorioz. Multinazional aiaraldearrak fabrika bat du Houstonen (Texas). Bertan azken ukituak ematen dizkiete munduko beste lantegietatik eramandako hodiei, eta horregatik pairatzen dute Estatu Batuetako gobernuaren neurri ekonomikoa, %50ko errekargua dakarrena altzairuaren zein aluminioaren kasuan. 

Enpresak esan du erabakia "zaila" izan dela, baina beharrezkotzat jo du bere "negozioaren bideragarritasuna eta baliabideen kudeaketa arduratsua" bermatzeko.

Bien bitartean, beste alternatiba batzuk aztertu nahi ditu enpresak, eta ziurtatu du merkatuaren baldintzek ahalbidetu bezain pronto ekingo diotela berriro lantegi horretan ekoizteari. 

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide