Urriaren 16an, ostegunean, inauguratuko dute Barakaldoko BAFFEST argazkilaritza jaialdiaren X. edizioa eta Aiaraldeak ere ordezkaritza izango du bertan. Izan ere, Maied Urrutia argazkilariak zuzendutako erakusketa egongo da bertan ikusgai.
Amurrioarrak Aiaraldea Komunikabideari kontatu dionez, Barakaldo irudikatzean “beste garai bati lotutako kontuak etorri ohi zaizkigu burura, hala nola Labe Garaiak, langile auzoak edota kutsadura”.
Erakusketa hau koordinatzeko festibalaren enkargua jaso zuenean, hiriko “magia eta argia bilatzea eta modu poetikoan adieraztea” bururatu zitzaion, gaur egungo ikuspegitik.
Ideia horretatik abiatuta osatu dute Oharkabean. La ciudad inadvertida proiektua. Barakaldoko zein bertako argazkilaritza elkarteetan aritutako sei emakume bildu eta udan egin dituzte argazkiak.
Elkarrekin eta Urrutiak koordinatuta editatu dituzte ostera, eta horren guztiaren emaitza hilaren 16tik aurrera egongo da ikusgai.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
