Lezamako mendi ibilaldiko antolatzaileek ohartarazi dute gaur agortuko dela izena emateko tartea, igandean bertan izango baita hitzordua. Berez, bi ibilbide prestatu dituzte horretarako. 09:30ean hasiko denak 16 kilometro izango ditu eta 10:00etakoak, aldiz, 11,5 kilometro.
Interesdunek hemen bete dezakete inskripzioa 5 euroren truke. Jadanik 200 lagunek baino gehiagok eman dute izena.
Amurrio Trail Taldeak eta Gorobel Kirolguneak prestatu dute jarduera eta azpimarratu dute "familian eta lagun artean egiteko mendi egitasmoa dela. Ibilbidea erraza da, Aloria eta Lekamaña herrietatik pasatzen da eta Askurenko tontorra ere zeharkatzen du".
Halaber, animatu dute jende parte hartzen, igande goiz polita gozatzeko plana baita Amurrioko mendietatik. Gainera, ez dute euria aurreikusi eta ez dago lokatzik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
