Brontzezko dominarekin itzuli ziren Aresketa klubeko kideak Euskadiko Gimnasia Erritmikoko Txapelketatik. Aroa, Naroa, Iratxe, Haizea eta Maddik osatzen duten gazte base taldeak podiumera igotzea lortu zuen bi paseren ostean.
Elisabet Anda entrenatzailearen hitzetan, lehenengo agerraldiak “akats txiki batzuk” izan zituzten uztaiarekin eginiko agerraldian, baina “energiarekin” heldu zioten bigarren txanpari, eta “ariketa bikaina” egitea lortu zuten horrela.
Marka horrekin, Espainiako Txapelketarako txartela lortu dute bost kirolariek. Azaroaren 22an jokatuko da norgehiagoka hori Castellonen.
Andak aipatu du hau dela maila horretan aurkeztu duen lehen taldea, eta “harro” dagoela eginiko lanarekin. “Hau ez da bidaiaren amaiera, oraindik lan gehiago egitea egokitzen zaigu Castellonen ariketa bikaina eskaintzeko”, nabarmendu du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
