Gaur gaueko 03:20ak aldera lapurreta jazo da Amurrioko herrigunean dagoen teknologia denda batean. Establezimenduaren arduradunak hedabide honi aipatu dionez, leiho bat hautsi eta barruan sartu dira. Alarmak berehala jo du eta kea ere sortu du.
Hala ere, lapurrek minutu bakarra eman dute barruan eta zuzenean sakelako garestienak eraman dituzte. Antza, 15 edo 20 gailu ostu dituzte joan baino lehen.
Ertzaintzak argitu du alarmaren oharra jaso dutela, baina heldu direnerako ez zegoela inor. Halaber, zehaztu dute oraindik ez dutela salaketa ofiziala jaso. Jabeak, bere aldetik, goiza eman du aseguru etxean eta adierazi diotenez, ez diote ezer ordainduko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
