Arrakastatsua izan da Aiaraldeko bideo-kopla lehiaketaren lehen edizioa. 36 lan aurkeztu dira guztira, ia 500 gazteren parte hartzearekin, eta harrera bero hori argi islatu zen atzo eginiko sari banaketan.
Amurrio Antzokian egin zen ekitaldia. Bideo kopla irabazleak proiektatu zituzten, bertso saio musikatuarekin tartekatuta. Ekaitz Samaniego, Unai Anda, Oihane Perea eta Arkaitz Zipitria bertsolariak aritu ziren kantuan, Ainhoa Aizpurua eta Aintzira Gorosabelen musikaren erritmoa eta Unai Mendibilek proposatutako gaiak ardatz hartuta.
Arabako Bertsozale Elkarteak, Arabako Aleak eta Aiaraldea Komunikabideak antolatu dute kopla lehiaketa, Amurrioko Udalaren babesarekin.
Hauek izan dira irabazleak:
- Laudio: La Milagrosa 6B
- Amurrio: Mendiko Eskola 5B
- Artziniega: Arteko Gure Ama 6
- Aiara: Etxaurren Gorriak taldea
- Orozko: Orozkoko xelebrekeriak
- Urduña: Antzinako Andra Mari 5
Horrez gain, Latiorro 5D 2 taldeak Araba mailako lehiaketan (Arabako Aleak antolatutakoa) jasoko du saria.
Hemen ikusi daiteke ekitaldia osorik: