Ezinezkoa zaigu hitzekin adieraztea barruan dugun mina baina berarekin bizitako momentu bakoitza gogoan izanik egingo dugu aurrera. Laguntzeko prest eta irribarre bat aurpegian agertzen zen beti nahiz eta beti egoerak errazak ez izan. “Fiel de fechos” moduan 40 urte eman zituen eta hori ez da makala!
Hori da gugan utzi duen arrastoa: Saratxoko herriaren alde lan egiteko gogoa. Eta horregatik aurtengo jaietan omenaldi xumea egin diogu, berari eta Josean bere anaiari; biak ala biak herriaren arimaren parte izan direlako betidanik.
Zuokin partekatu nahi ditugu aurtengo jaietako oroitzapen grafiko batzuk, jaiak laburbiltzen dituztenak. Ekitaldi anitzak eta partehartzaileak izan ditugu: kontzertua, mendi martxa eta herri bazkaria.
Bariko San Nikolasen egunean, abenduaren 6an, mezaren ostean Musika Eskolako irakasle eta Saratxoko ikasleen partetik kontzertu paregabeaz gozatu genuen. Igandean, abenduak 7, XXI. Mendi martxa arrakastatsua 215 parte hartzaileekin. Bukatzeko, abenduaren 8an, herri bazkaria izan genuen eta babarrun jana ederraren ostean Ibon magoaren trikimailuek heldu zein txiki zur eta lur utzi zituen.
Josean eta Miguel, zuek izandako ereduari jarraiki jaiak eta bizitza ospatuko ditugu, zuek egiten zenuten bezala. Eskerrik asko bihotzez gurekin emandako momentu guztiengatik!