San Antonen Lagunen Kofradia lanean ari da jadanik hurrengo urtarrilaren 18ko elkartasun azoka ondo atera dadin. 2026an babesa jasoko duen elkartea Aiala Sindrome X Fragil izango da. Hain zuzen, sindrome horrek autismoa eta ezgaitasun psikologikoa sortzen du arrazoi genetikoen ondorioz eta elkarteak zentratzen du bere jarduera gaixotasun hori bistaratzen eta pairatzen dutenak laguntzen.
Euren ekintzak babesteko, kofradiak ohiko enkantea egingo du eta horretarako herritarrek eta enpresek emandako dohaintzak baliatuko dituzte. Ekarpena egin nahi dutenek Fronton Tabernan utz ditzakete produktuak.
Azokan parte hartzeko epea irekirik
San Anton Azokan parte hartzeko interesa dutenak hemen sar daitezke edo Amurrioko Udaletxean kudeatu dezakete. Izena emateko azken eguna urtarrilaren 10 izango da (dokumentazioa hemen topatu daiteke).
Ohi bezala, egun honetan azoka zabala eta askotarikoa antolatuko dute baserriko produktuekin, kontserbekin, zuhaitz eta landareekin eta abarrekin. Zuzeneko ekoizlea dela egiaztatzen duen edonork parte hartu ahal izango du, eta harreman zuzena izan beharko du landa-munduarekin. Lanpostu librerik geratzen bada, elikagaietako, artisautzako eta lehen sektoreko produktuak birsaltzea onartuko dute.